2015新一年新感覺

新一年了！

2014年是多變嘅一年，在四五月突然同同事想起要創業的念頭！想做就做，一把勁只諗邊行賺錢，補習中介、網購等，結果八月就真辭職做，想著憑兩手應該可以，應該不難！

但很快就和partner有點意見分歧，可能這也是好事，因為大家嘅著眼點始終有點不同，我想有一個確切賺錢方向，他想多人自然有錢。想了很久，全職創業還不是時候，心理壓力也很大，所以回歸番工行業，半職繼續創業計劃，心情也輕鬆很多，也不需花唇舌去說服別人一起做，想做就一起，覺得沒可能成功就唔使一齊，咁會開心好多！

開始了「Hi 香港手作人」嘅專頁，哈哈，其實是一些小手工，做一點點髮飾，很好玩，暫時仲係儲緊人like, 不過，冇人買就比個囡戴都可以，女兒也很喜歡！ 怎麼做起手作來？因為看完覺得很美，而且香港已經很少呢類舖頭，租金太貴，也沒什麼人有閒情逸致做這些，我對自己的手工蠻有信心，因為以前美術同家政都很高分呢！雖然放低了很多年，但一試做就有莫名的喜悅！

轉了這份銀行工，無以前咁輕鬆，要準時打卡番工很不慣，幸好中午可以有兩小時lunch, 可做運動同手工也很好呢！工作上是新business 還不慣，不過，有新啦野學都唔錯，很多terms, 很多公式，給些時間適應，也可能報個course去讀讀，那會更了解！

雖然這一創業、兩次轉工失去了舊工作嘅花紅及自由，但也得到很多，看到自己很多的不足，也開始緊張自己嘅財政計劃，覺得自己成長了不少，三十三歲！要為未來財政自由開始準備！加油！

有點心雄的老闆

呢幾日心情都好輕鬆，因為就快last day之餘又就到聖誕，太好了！

昨天聽到同事說老闆賣了個product比另一間公司，即係個project 要同個客喺三月同步production.... 傻嫁，人已經唔夠，仲接多個project番黎，uat都未到，仲有三個月就上。。。人腳只有一個長工，其餘也是兼職。。。

舊拍檔說兩個人網購做半年也做不完，人家一日幾億交易，個project都係四個月完成，一個長工加兩個兼職，加埋都只算兩個人吧。。。不過，未到我已經覺得會好多問題，連structure 都還沒定好，幸好決定離去，要不然捱幾個月，上了又是被罵。。。

走向平凡之路

這幾天左搖右擺著，左邊是一條協助老闆創業的路，右邊是一條平坦安穩嘅路。

左邊嗰條很吸引，因為老闆其實已經好成功，可以創業差不多十年也是營利中，打低了九成九嘅公司！佢嘅生意路是可行的，只是欠缺IT幫他，我剛好有這方面嘅技術，所以也很想幫助他！而且之後也是一條不一樣的路，但人太少了，要一個人乘擔住重要角色，我不想ot太多，也受不了長期給人問點解點解嘅追問！

右邊那條預期會非常平坦，每日應該也會準時收工，不過有時看穿了，番工是生活一部分，賺到錢工作壓力不太大，不是已經夠嗎？除了工作還有時間學習或處理其他事務也很吸引！

最後還是選了右邊那條，做了決定就繼續向前，加油！加油！

商場如戰場

近來在這間滿是老闆的地方工作，深深體會到商場如戰場，有利用價值嘅就留低，無嘅就反面不應人，可能會告埋對方，幾十年朋友也是一只琪子吧！

有點冷酷無情，看到九年前嘅老闆依舊很辛苦周圍救火，周圍寫code, 可能佢enjoy寫code, 所以覺得也可以，但香港根本就唔重視有technical的人, 所以佢技術雖然係超級好，連Linux 系統嘅codes都識改，但香港唔會有人識欣賞，反而換來一句沒系統的人，多麼可悲，多麼可笑！就因為佢地自己唔識睇codes, 所以佢地唔知舊老闆做緊咩，亦聽唔明佢講咩，就變左舊老闆無系統，哈！我相信無人比他更有系統，他只是不想完全寫哂，起個框就交比其他人繼續，這些人不是最有價值嗎？

昨天，跟舊partner爭論，他覺得我突然跳船好唔啱，明明說好分開做半年再看看之後仲一唔一齊，我不斷講分開做半年我受唔住，因為只有一個人，也有太多的不足，至少我地唔夠以上老闆冷酷，而且分開做半年，即係條路自己走，與其這樣，不如半職，完全無收入令我感到很怕，始終還要供養父母及家人，無車無樓，又看不到可見嘅一兩年有錢賺，與其這樣，不如暫時停止創業路，打工真的比老闆路易行很多，與其明知自己唔掂就放棄，總比要輸哂d積蓄才走回頭路好掛！而且大家目標不一致，他的目標是做善良老闆，咩都唔好諗錢住，但在這殘酷的世界真的可以生存？如果他要繼續應先學會殘酷，學不會只怕給其他猛獸吃掉！

很多創業人嘅公司

第一日番工，接觸到很多曾經或現在創業嘅人（竟然一個project有5個呢！），感覺很有趣。

不過，看到那個很raw的program有點擔心，係咪真係cert 到嫁，還要下年一月上production...... 努力吧，做到應該待遇會比以前好，做唔到就哈哈！

三個自己打天下嘅老闆

「創業」原先以為已經離我而去，今天我竟然與三個也是自己打天下嘅老闆坐在同一張枱，我是來見工的！

今天巧遇八九年前的老闆，是我第一份工的老闆，他技術很高，份人好nice, 他熱愛寫code, 那些年前他雖然沒太多機會

跟我說話，但我知他是很樂於一齊研究問題，對任何問題也非常投入及很有自信可以解決的人。。。真的用手解決問題的老闆實屬罕見！

這天，其實我抱著希望不會請的心態，因為說實在這不是大銀行，連細証卷行可能也談不上。但竟然遇到舊老闆，雖然他不是這個project嘅老闆，不過，看到他非常滿意我嘅過去經驗嘅表情，雖然還沒說會請，但應該超過九成會請！

問題來了，繼續找份大公司/銀行工，還是在這小小的wealth management firm做，吸引的是他們會做很快的algo, 打算挑戰香港首兩間銀行嘅速度，要100micro second 內fire 一張單（以前舊公司是差一千倍以上），有舊老闆在，應該真的可以，一個諸葛亮比一百個豬八戒還要厲害。但。。。打工終究是打工，打工基本條件是人工、福利及私人時間。我想這三樣條件這裡未必滿足到，很難諗呀！

可以有機會比沒經驗嘅人寫algo 嘅機會真係少之有少，要麼繼續搵份hea工，要麼挑戰這份工，其實我很清楚工作是做不完的，我也不會像以前vendor般ot.... 而且一個跟三個老闆做嘢嘅機會應該也很難得。。。想想看，明天agent打來怎說，看看開出什麼樣的條件！（自己也真的當請了。。。）

還是走回去番工吧！

決定了暫時放棄創業夢，可能有些快放棄，但真的很不習慣沒現金流的生活，可能像老公說，我只想比番工賺多些錢，並非想有屬於自己嘅事業。

而且，太多方面嘅不足，人力、錢、技術、銷售、法律、會計等等。。。朋友說不如真係試到唔得先，但除左這些不足外，自己亦感到很大壓力，雖然老公冇比壓力我，但我自覺條路太遠太長，一人之力無法繼續。。。展轉反側了很多晚，有點自討苦吃嘅感覺！

如果連自己都缺乏信心，不如算了，搵番工再作好準備才考慮再戰江湖！

不過，在短短三個月嘅全職創業路也學到很多，體驗很多！

1. 有idea 嘅話，可能先做web版，試反應，如果ok, 先再繼續。

2. 如果找人合作，應該具備多種專會比較好，例如一個對外銷售，一個對內研發，好像Google 有個課程教人創業，也是將business 同technical 人分team咁！

3. 要plan得仔細些，發展路線如何，大家同意的話可先半職試行，雖然半職是辛苦，但全職其實也不見得輕鬆！

感到壓力

壓力往往是無形的！很多嘅擔心，擔心一個人做不來，擔心沒人用，擔心沒商戶，擔心遇到很多問題。。。

自信心在不斷動搖，有時也有點覺得自己煩，明明決定好了，又怕東怕西。。。加油！給自己半年時間，不行就找工作，邊打工邊再創業！定了這樣就別想了，應該想怎樣做得更好！給自己打打氣，加油加油加油！

多多吸收正能量

很有共鳴的一些話。。。尤其創業中往往需要正能量！

一個人力量真的不夠，希望集合更多人去幫自己一把，但自己也不知未來結果會如果，怎叫人幫你，所以目標也是找一些學生以較低嘅價錢幫忙！

富爸爸經濟課堂

呢排愛上看富爸爸系列嘅書，「要在人生中，買入資產，而非負債。」

故事講述作者有兩個爸爸，一個窮爸爸（親生爸爸），一個富爸爸（朋友的爸爸，亦是教佢做生意的爸爸）。

窮爸爸就跟大部份爸爸一樣，叫你好好讀書，大左讀得好就做醫生、律師，唔讀書冇用嫁，總之讀到書就搵份好工！這是我前三十幾年嘅想法，已深深印喺我腦裡。

富爸爸也覺得書是要讀，但要選比較有用的才值得花時間，學會計、法律等對將來才有幫助。作者好幸運，可以從小有富爸爸免費教他，還讓佢參加公司會議，這是小數人才獲得嘅機會。

另一重點是買入現金流，將錢放喺一些會變錢嘅項目，直到有天，變嘅錢足夠你生活要求嘅錢，那你便可以達到財務自由。

很多平民所做的就是買入負債，打工儲首期，然後借錢買樓，接著就跌下陷阱要一世打工，餘錢不多又怕風險就繼續打工，層樓要供三十年，即你一買下就要起碼打三十年工！多麼可怕嘅現實，不斷出現喺現實環境，雖然樓價可能會升，但自住物業升很多也賣不了！

所以，其實做法應該是用現金流去買自住物業，當然，打工都係現金流嘅一種，但是用你最重要嘅青春換來的！理想嘅現金流是錢幫你打工，那你便有機會達致財務自由，有了這個才是真正的自由！選擇去唔去旅行、選擇食咩、選擇買咩衫等。。。

應向前還是放棄？

這幾天覺得一個人作戰感到孤單且無力，今晚又是睡不著嘅日子，自創業以來失眠好像時常伴隨著我。。。

問了老公意見，他說取決在於我，如果我覺得壓力大、辛苦就找工作做著，再準備充足才再試。也對，現在的我，只有自己，銷售、現金流及產品技術也不夠。。。

當天大家說著說著，雄心壯志辭職搞平台，今天各自向著各自想行嘅路，感到很可惜，大家放棄了這麼多，換來的是陌生的感覺，很討厭這感覺。。。

今朝老公說用半年時間試也可以，好！堅持堅持堅持！

當初所想的，別人已完成！

剛在面書看到一個 hk apps, 跟原先我地諗嘅概念好接近，叫'buy for me', 連名字也跟當初我們想的'buy4u' 非常接近！

一邊比人post想賣嘅嘢，一邊比人post 想買嘅嘢，中間收5% charge (included PayPal charge)... 

看了實物，覺得有地方可改善，但很欣賞別人完成了！自己還有漫長嘅路。。。加油！

網購，香港人其實是接受了，只是要建立口碑跟信譽，比人完全自由買賣並非壞事，問題是如果賣方是全心欺騙，那中間人也必然要負上一定責任，而且直接影響其他買家對平台嘅信心。這是我們最擔心嘅問題，所以打算只攻外國bb貨，雖然會縮窄客戶群，但集中做好某一類貨品再慢慢引申不同類別也是不錯嘅選擇！現在目標賣方是一些正在做生意嘅店舖，起碼做開生意，有哂舖是真正的賣家，若不幸倒閉了，也有方法起訴或索償，加油，萬事起頭難！向目標繼續前進！

宋漢生

感謝朋友們嘅支持！雖然有些是新相識，但也給予我無比的正能量！

正能量真的很重要，尤其創業，無人會知前面條路會怎樣，之前想好了就做，有問題就應想想如果解決，正如富爸爸所說：「要向成功的人學習！」

看了宋漢生說：「異異類做到坐言起行，我估不是智力問題，而是比較不嫌實踐中必然遇到的煩，怕煩的，總有幾百個理由，不落場試，結果停留在場邊哲學討論，沒完沒了。」

萬事俱無？

尋日約見科學園嘅account manager及一個職員, 我地照講我地會做兩個apps, 一個share, 一個網購，感覺我地太普通了！沒什麼特色，也準備不足，難怪說十個創業，九個半也失敗！

唉，本來已經得兩個人，仲要分頭寫兩個，莫講做唔做得切個apps, 自己一個感覺孤單之餘，也沒有任何分工可言，自己要做哂，看文章，一間好嘅創業公司應該有三類人一齊：銷售、技術及設計。現在，只有自己半斤的技術，其餘兩方面都缺乏。

而且，跟拍檔的關係出現問題，可能當初太草率了，我嘅諗法喺佢眼中太幼稚，很難相信這樣的網購apps會成功，網頁至少也預備一個！這可能也是一個好好的經驗，說做就做其實真的需要無比嘅勇氣及實力，像老公所說，早失敗好過遲失敗，現在領會了，加油！準備多些東西吧！

創業跟跑步？

剛看到篇文章，入面提到：

「做一個創業者和跑步是很相似的。有兩件事會導致你失敗：第一件事，你根本沒有開始；第二件事，你停下了，放棄了。放棄絕對是創業精神中的大忌。」

「為什麼堅持這麼難？這種難並不是體力或腦力上的貧乏，而完全是情緒上的。」

對，堅持真的很難，創業遇著無數問題，"just do it!" 。有時都會回想自己太傻，有幾萬蚊人工嘅工唔做，每朝番工都唔使點用腦，幾年唔學新野都有花紅，走黎行一條不好行的路。但心裡總覺要嘗試，現在開始了，就別放棄！幸好老公是我好好的心靈導師，雖然佢覺得我可能很多方面不足，就茂然創業，但每次問佢我是否很傻，佢都回答不是，他說既然定了就呢放棄！

明天進駐科學園了！

聽日就進駐科學園，要努力趕短期三個月嘅milestone, 這幾天覺得自己planning很不足，常常抱著見一步行一步的心態，我想係時候放多點時間plan, 諗清楚個flow先動手，以免不斷回頭改！

先list out到底有咩function同每個function 預計日子，那每天至少可以跟/追schedule , meet 唔meet到都知大概還要做多久呢！

這三個月希望可以有基本function, 起碼有功能sell比商戶，又要簡單又要保障大家！

向目標出發

前兩日去書局睇書，有幾點想記低，自己覺得都幾啱：

1. 公司要成功，就需有三樣野：一、產品，二、目標客戶，三、收費。如果有齊三樣野，公司就可以運作了，雖然這三樣野好似好平凡，但要有齊原來都唔易！

2. 一半時間做未來嘅事，另一半時間叫人做現在及過去嘅事。現在還停留於全部時間做現在嘅事，希望之後可以向這個方向出發！

現在要做嘅事就是做好分享好物平台，將來就是找商店開購物平台，加油！

還沒確認路線？

還沒確定立場及以後路線，由當初代購平台，轉網購平台，到加入分享原素，到唔再賣野，idea好像變得太快太多！

很想專心做好第一個version, 起碼有點野睇到吧，做好香港再發展外地是原本的想法，其實單可以做好香港已經很好！無錯，外國較易接受新事物，好似會較易startup, 但競爭也非常大！

跟partner好像有些意見分歧，可能當初大家都plan得有點敷淺吧，明天跟他再討論下，希望個計劃會好一點吧，大家唔好再偏離太多！

成功apply 科學園創業基金

成功了！知道了有科學園創業基金，心裡也定點，起碼有個免費地方用住先！雖然科大office也不太差，但畢竟是流動辦公室，電腦也要日日帶著，辛苦了一點點！

現在idea有少許改變，可能做分享功能先才出真正的網購，加油！一步步向前邁進！

很高興老公一直支持，他永遠是站在我那邊的，讓我覺得自己是得到支持的，謝謝！

Present 完科學園，等消息中。。。

一朝就繼續練習下午嘅Present, 好耐冇Present過了，印象中上一次嘅緊張Present係做vendor要做Demo時，那時director突然要我demo比個客，感覺備受重用，都好開心，可惜那時準備不太足夠，所以好細聲。今次我同自己講，點都要表演得自信一點，因為自信總會比較容易說服別人！

終於Present完，緊張完一大輪，大家表現都可以的。考完試，聽日派成績，結果怎樣，路也要繼續走！其實我覺得idea係work 的，比心機，希望會成功！

很好又免費的辦公室

無敵大海境、快速wifi、免費電源和平價午餐，這裡有著office優越條件，算是很好的起步！

十年沒來這裡，圖書館LG1變了全層電腦枱，又靜又舒適，有十多個免費conference room, 應該位置還比科學園好一點點，只是沒有手機、講座及津貼，暫時在這裡做一個多月應該不成問題了！

已做好PowerPoint, 準備present 科學園的創業基金，今天正式再次寫code, 好像很久沒有寫，重新上手，作文果然不是我的強項，用來用去也總是想起那堆字，要看多點書，令自己多些書卷味！哈！

第一日「番工」

今天第一日番自己嘅公司，正式為自己嘅事業而努力！

上班嘅地點是科大，因為科學園要過兩星期才見評審，應該最少要在科大番大概一個月工（希望只是一個月。。。）

十年前在這間大學番學，很喜歡這間大學，雖然有點遠，但環境很美，有海境也有山境，更多的是大學的回憶！

雖然前路是未知的未來，但相信也是一種經歷，也是愉快！

最後一星期打工了

這星期是最後打工嘅一週，有些緊張，緊張將來有什麼挑戰，但又覺得怎樣也要試一次！

前天聽了個關於創業青年嘅講座，我大概不是什麼青年了，但看到其中一個講者三十歲創業，三十三歲公司就有廿多人，想著自己應該也可以吧！感到前路是可行的，加油！

設身處地

呢幾日試下設身處地做下賣家，原來真的不容易，賺的是微利，但有一堆文書工作要做、還要不斷諗辦法宣傳，希望我地系統可以幫到佢地！

尋日老公講開「與成功有約」這書，提到裡面要「同心聆聽」，我覺得我需要在這方面下點功夫，有時真易比先入為主所影響，加油！繼續努力！前面嘅路是漫長的，這就是真正的人生吧！

創業第一關

今日去左科學園做第一個casual presentation, 雖然未係好正式，但已經有一大堆問題難到我地了！

「你地市場定位如何？」「點解d人要用你地，而唔用現行模式？」呢個就係我地未確實present到比佢地知，下次就係正式了，要確實sell到我地嘅長處，同點令人改變的確唔係容易，下次要認真準備多點，成功機會就會增多！

今次主要得兩個人聽我地嘅present, 下次會係正式的，十五分鐘present 我地嘅idea, 十分鐘發問時間，有五個評審會聽，當中有兩個科技介人仕、三個財務分析人仕！緊張，前面嘅路雖然難行，但我相信都可以行過的，向著目標向前，為自己加油！

每日小進步

由於辭職的關係，這兩天見了三個比我高級的人，紛紛都為我辭職感到有些驚訝，比我高兩級的上司說：「你係一個好stable的人，想不到會辭職！」我回應：「已經stable完了！」

無錯！這份工真係好穩定，準時出糧、準時放工，沒什麼挑戰、進步，很適合以前的我，因為之前的目標是生完兩個小孩。現在，想發展自己嘅事業，當然還有好好教導兩個小朋友，覺得憑藉自己嘅技術（雖然停滯了一段時間）但相信找回現在的人工並非難事，至少可以發揮自己，做過了，人生再不是我很想做，但有千萬個理由做不了的遺憾！

希望可以每天進步少許，人生會有更多樂趣！

申請一大堆Account

當完成公司註冊之後，就要為新公司申請以下account, 作運作之用：

1. Domain (.com.hk & .hk) - 原來.hk一定要搵番香港嘅domain公司，香港嘅公司歷史比較尤久，但比外國的落後多了，還沒有dns送，認真唔抵呢！還好有CloudFlade, join jor仲免費有DNS 呢！

2. Gmail email嘅business account - 有兩款，一款5美元一個月，另一款10美元一個月，我們當然選較便宜的！其實已經好夠用，有哂doc, spread sheet，powerpoint同畫圖功能，最正有30Gb share drive, 自己main同買軟件實要幾千銀先做到，依家實在太抵了！

3. Facebook 及開專頁 - 作將來推廣之用！

4. Apple ID - 呢個approve期比較耐，所以一在公司同domain就要搞！

5. 公司銀行戶口- 選了匯豐開了公司戶口，手續都簡單，因為有專人幫人填所有表格，只要簽幾個名及答問題就可！

好！萬事俱備！只欠resign! 今日就遞信了，自由嘅氣味充斥而來！由日日如是，變做日日都唔同，究竟創業路會如何？希望順順利利，加油！

Apply IncuApp

這星期在準備PowerPoint 去apply 政府嘅IncuApp計劃，這個計劃專為電話App嘅創業公司提供支援，如果成功就可免費在兩張partition 處工作年半，以及最多三十萬嘅資助，當然是實報實銷。另外，政府亦有一個中小企業嘅資助，令我們嘅創業路可走得舒服一點點！希望這兩個申請也可成功，加油！

富爸爸辭職創業

老公說：「有需要我就會看書！」對！真的很久沒為自己借過書了，「富爸爸辭職創業」是我由出生到現在第一次借嘅經濟書！

之前都揭過富爸爸系列嘅書，看到這個書名，非常切合現在環境，看了簡介段覺得講得好合理！尤其現在已為家長，大部份也教子女：「努力讀書賺錢！」學得專業就有份好工，一世打工！我以前大概也會變成這樣的母親，近來我改變了看法，我認為如果花一半時間就可以學到書中所教就夠了，其餘時間應該學更多的東西，學習找尋將來的路比任何東西更重要！

註冊公司

呢幾日開始為新公司改名, 只要定了名字, 你可為公司改一個中文名、英文名或同時有中文名及英文名，之後就要找公司幫你做文件註冊了！
原來香港十分多這類會計公司，每間公司都有幾個plans, 眼花繚亂！普遍細公司收費比較便宜，所以搵左三四間比較一下服務範圍同收費就算了。最後選了一間有基本服務，價錢也相宜的會註冊公司。
基本服務包括：

• 公司名稱查冊
• 申請公司註冊證書 (CI)
• 申請商業登記證 (BR)
• 編印公司章程 5本
• 製作公司圓印
• 申報首任董事、股東、秘書及註冊地址
• 辦理銀行開户有關文件

以及虛擬辦公室服務內容包括：

• 使用本公司地址作為註冊地址
• 無限代收信件及包裹，並作出即時通知

螞蟻的故事

很喜歡這個故事。。。

http://www.slideshare.net/k234/ss-1729644

結局雖然有點傷感，但喺依家間公司深切體會了！

今日公司發佈了promotion list, 五年來都係冇自己份，老公曾說：「做咁耐無功也有勞！」唉。。。做得很差嗎？不是嘛，只是我跟阿頭做事方向不一樣，大顆兒用口做的，個個升官發財，小眾用手做的久久停滯不前！還記得上年我忍不住問阿頭為什麼不升我，他說：「你可接觸多點用戶嗎？多開一點會？」噢！我是專業的編程員，為什麼想升職就要做一些離開專業的工作，總結意思，編程員冇得升！ok, that's fine! 由那刻開始心淡了，對這個阿頭不再抱任何希望！記得五年前，在做一家軟件公司，半年已升一級了，花紅也比其他同事高，升職關鍵在你同你阿頭做事方向一樣嗎？如果見工時，有機會問問題，請把握問：「用口做會升？還是用手做？」

放棄筍工？