2015年2月6日 星期五

Auto share Facebook

開網店其實最煩就係客源,要人睇到你件產品,真係好難,香港人普遍也用Facebook , 但Facebook 專頁也多多限制,去迫你比錢賣廣告。

我試左比百幾蚊一日,但個post其實係多左六七千人睇,確實比我自己share 多幾十陪,但專頁讚嘅數目其實都係多左十幾,百幾蚊買十幾個讚,太貴了吧!長遠也是靠自己吧!

結果,想試下鑽研下寫個program去自動share, 但公司去唔到Facebook, 太難寫,跟住又想不如租個sever去access Facebook, 結果也失敗,因為公司唔比ssh, 最後找來WordPress, 搵搵下見到GoDaddy有齊租server同WordPress function, 最重要是公司去到,超正!即刻reg黎試下,價錢是八蚊一個月,積極試下,好多free plugin 同theme, 感動!希望auto share 成功!

有時覺得做in house嘅好處是東西不太趕,今天做的東西,可以五月才上線,我可是把工作做完才搞website的,覺得這樣總比閒逛網頁更有趣、更有意義!

2015年1月27日 星期二

手作人跟面書

要開舖就要有人知,如果唔比錢,靠自己日日㩒,真係幾麻煩,正在研究自動化分享,好似市面上都有唔少工具幫手,紛紛都試下,不過暫時公司去唔到那些web hosting server, 在家又不太有時間,還是用住工具比自己開發會快些!

好消息!有人對我的手作有興趣,希望完成到第一單生意,哈!

2014年12月31日 星期三

2015新一年新感覺

新一年了!

2014年是多變嘅一年,在四五月突然同同事想起要創業的念頭!想做就做,一把勁只諗邊行賺錢,補習中介、網購等,結果八月就真辭職做,想著憑兩手應該可以,應該不難!

但很快就和partner有點意見分歧,可能這也是好事,因為大家嘅著眼點始終有點不同,我想有一個確切賺錢方向,他想多人自然有錢。想了很久,全職創業還不是時候,心理壓力也很大,所以回歸番工行業,半職繼續創業計劃,心情也輕鬆很多,也不需花唇舌去說服別人一起做,想做就一起,覺得沒可能成功就唔使一齊,咁會開心好多!

開始了「Hi 香港手作人」嘅專頁,哈哈,其實是一些小手工,做一點點髮飾,很好玩,暫時仲係儲緊人like, 不過,冇人買就比個囡戴都可以,女兒也很喜歡! 怎麼做起手作來?因為看完覺得很美,而且香港已經很少呢類舖頭,租金太貴,也沒什麼人有閒情逸致做這些,我對自己的手工蠻有信心,因為以前美術同家政都很高分呢!雖然放低了很多年,但一試做就有莫名的喜悅!

轉了這份銀行工,無以前咁輕鬆,要準時打卡番工很不慣,幸好中午可以有兩小時lunch, 可做運動同手工也很好呢!工作上是新business 還不慣,不過,有新啦野學都唔錯,很多terms, 很多公式,給些時間適應,也可能報個course去讀讀,那會更了解!

雖然這一創業、兩次轉工失去了舊工作嘅花紅及自由,但也得到很多,看到自己很多的不足,也開始緊張自己嘅財政計劃,覺得自己成長了不少,三十三歲!要為未來財政自由開始準備!加油!

2014年12月17日 星期三

有點心雄的老闆

呢幾日心情都好輕鬆,因為就快last day之餘又就到聖誕,太好了!
昨天聽到同事說老闆賣了個product比另一間公司,即係個project 要同個客喺三月同步production.... 傻嫁,人已經唔夠,仲接多個project番黎,uat都未到,仲有三個月就上。。。人腳只有一個長工,其餘也是兼職。。。
舊拍檔說兩個人網購做半年也做不完,人家一日幾億交易,個project都係四個月完成,一個長工加兩個兼職,加埋都只算兩個人吧。。。不過,未到我已經覺得會好多問題,連structure 都還沒定好,幸好決定離去,要不然捱幾個月,上了又是被罵。。。

2014年12月4日 星期四

走向平凡之路

這幾天左搖右擺著,左邊是一條協助老闆創業的路,右邊是一條平坦安穩嘅路。
左邊嗰條很吸引,因為老闆其實已經好成功,可以創業差不多十年也是營利中,打低了九成九嘅公司!佢嘅生意路是可行的,只是欠缺IT幫他,我剛好有這方面嘅技術,所以也很想幫助他!而且之後也是一條不一樣的路,但人太少了,要一個人乘擔住重要角色,我不想ot太多,也受不了長期給人問點解點解嘅追問!
右邊那條預期會非常平坦,每日應該也會準時收工,不過有時看穿了,番工是生活一部分,賺到錢工作壓力不太大,不是已經夠嗎?除了工作還有時間學習或處理其他事務也很吸引!
最後還是選了右邊那條,做了決定就繼續向前,加油!加油!

2014年11月28日 星期五

商場如戰場

近來在這間滿是老闆的地方工作,深深體會到商場如戰場,有利用價值嘅就留低,無嘅就反面不應人,可能會告埋對方,幾十年朋友也是一只琪子吧!
有點冷酷無情,看到九年前嘅老闆依舊很辛苦周圍救火,周圍寫code, 可能佢enjoy寫code, 所以覺得也可以,但香港根本就唔重視有technical的人, 所以佢技術雖然係超級好,連Linux 系統嘅codes都識改,但香港唔會有人識欣賞,反而換來一句沒系統的人,多麼可悲,多麼可笑!就因為佢地自己唔識睇codes, 所以佢地唔知舊老闆做緊咩,亦聽唔明佢講咩,就變左舊老闆無系統,哈!我相信無人比他更有系統,他只是不想完全寫哂,起個框就交比其他人繼續,這些人不是最有價值嗎?
昨天,跟舊partner爭論,他覺得我突然跳船好唔啱,明明說好分開做半年再看看之後仲一唔一齊,我不斷講分開做半年我受唔住,因為只有一個人,也有太多的不足,至少我地唔夠以上老闆冷酷,而且分開做半年,即係條路自己走,與其這樣,不如半職,完全無收入令我感到很怕,始終還要供養父母及家人,無車無樓,又看不到可見嘅一兩年有錢賺,與其這樣,不如暫時停止創業路,打工真的比老闆路易行很多,與其明知自己唔掂就放棄,總比要輸哂d積蓄才走回頭路好掛!而且大家目標不一致,他的目標是做善良老闆,咩都唔好諗錢住,但在這殘酷的世界真的可以生存?如果他要繼續應先學會殘酷,學不會只怕給其他猛獸吃掉!